даатгал

2019 оны 01 сарын 17                                                                                            Улаанбаатар хот

Даатгалын хамгаалалт санал болгох тухай

Даяаршин хөгжиж буй энэ цаг үед улс орныхоо нийгэм, эдийн засаг болоод ард олныхоо амьдралд өөрсдийн хүчээ өргөх гэсэн чин хүсэл өвөрлөн Номин Даатгал ХХК-ийн хамт олон хичээнгүйлэн ажиллаж байна.

Номин Даатгал ХХК 2001 онд байгуулагдсан цагаасаа эхлэн Монгол Улсын даатгалын зах зээлийг олон улсын түвшинд ойртуулан төгөлдөржүүлэх, монголын даатгалын зах зээл дээр даатгалын бүтээгдэхүүнүүдийг шинэчлэн боловсруулж хүргэх, бүх төрлийн даатгалаар олгогдож буй нөхөн төлбөрийг богино хугацаанд шийдвэрлэх чиглэлээр шинэ шинэлэг үйлчилгээнүүдийг нэвтрүүлж ирсэн.

Харилцагч байгууллагууд болон бидний туслалцаа хэрэгтэй байгаа хүн бүрт хүрч эрсдэлийн судалгааг хамтран хийж улмаар даатгалын хамгаалалтаар эрсдэлийг удирдахад нь туслах зорилгоор харилцагчдынхаа хэрэгцээ шаардлагад тулгуурласан бүтээгдэхүүнүүдийг зах зээлд нэвтрүүлэхийг зорин ажиллах нь бидний үүрэг билээ.

Гадаад дотоод хүчин зүйлсээс шалтгаалан бизнест тань учирч болох эрсдэлүүдийг эрүүл мэндийн, хөрөнгийн, хариуцлагын, санхүүгийн даатгалуудаар хамгаалан Та бүхний хэрэгцээнд тулгуурласан үйлчилгээг үзүүлснээр бизнесийг тань саадгүй явуулах боломжоор хангах юм.

Аливаа эрсдэлээс учирсан санхүүгийн хүндрэлээ бидэнд шилжүүлэхийг та бүхэнд санал болгож байна. Бид даатгалын бүтээгдэхүүн үйлчилгээндээ Таны зүгээс тавигдах аливаа шаардлагуудыг хүлээн авч хэрэгжүүлэх бүрэн боломжтой.

Бидний хүсэлтийг хүлээн авч хамтран ажиллана гэж найдаж байна.

Хүндэтгэсэн,

ДААТГАЛЫН МЭРГЭЖИЛТЭН                                 

Э.Мөнхцэцэг

• ДАВХАР ДААТГАЛ

Бид даатгуулагчдийнхаа өмнө хүлээсэн үүргээ нэр төртэй биелүүлэх зорилгоор томоохон давхар даатгалын компаниудтай хамтарч ажилладаг.

2016 онд доорхи үндсэн 2 төрлийн давхар даатгалын гэрээ байгуулан ажиллаж байна.                          

• Treaty гэрээ

2015.07.22 нд гарын үсэг зурснаар гэрээ хүчин төгөлдөр болсон. Уг гэрээгээр дараахи даатгалын бүтээгдэхүүнүүд дээр даатгалын тохиолдол болгоны 2,950,000 ам доллар (5,900,000,000 төгрөг) хүртэлх давсан хэсгийг давхар даатгагч компани хариуцдаг:

• Бүх төрлийн хөрөнгийн даатгал
• Барилга угсралтын даатгал
• Ачаа тээврийн даатгал
• Гуравдагч этгээдийн өмнө хүлээх ерөнхий хариуцлагын даатгал
• Тээвэрлэгчийн хариуцлагын даатгал
• Ажил олгогчийн хариуцлагын даатгал
• Бүтээгдэхүүн үйлчилгээний хариуцлагын даатгал
• Хүнд машин механизмын даатгал
• Гэнэтийн ослын даатгал

• Факультатив гэрээ

Факультатив давхар даатгалын гэрээ нь даатгалын гэрээ тус бүрээр даатгуулагчийн өмнө хүлээсэн даатгалын эрсдлийг хэсэгчлэн буюу хэсэгчилсэн бусаар даатгагч, давхар даатгагч хоёр харилцан тохиролцсоны үндсэн дээр хийгддэг даатгал юм.

• Давхар даатгалын компаниуд

• ГАДААДАД ЗОРЧИГЧИЙН ДААТГАЛ

Даатгуулагч гадаадад зорчих хугацаанд даатгалын эрсдэлийн улмаас хохирол учирсан тохиолдолд холбогдох зардлыг даатгалын гэрээний нөхцлийн дагуу нөхөн төлнө.

Жич: Бага насны хүүхэд болон баг хамт олгоор аялах тохиолдолд хөнгөлөлттэй үнээр даатгуулах боломжтой.

Эрүүл мэнд, гэнэтийн ослын хамгаалалт:

Эрүүл мэнд, гэнэтийн осол + Нэмэлт эрсдэл = Иж бүрэн даатгал:

Даатгалын хугацаа: Нэг удаагийн аяллын хувьд даатгалын баталгаанд нэр заагдсан улсын хил давсан мөчөөс даатгалын хамгаалалт үйлчилж, даатгалын баталгаанд заагдсан аяллын үргэлжлэх хугацаагаар тодорхойлогдоно. /1-365 хоног/